Preseadis e Preseâts

Al è cun plasê che Us segnalìn lis iniziativis

"zornade europeane
des lenghis"

a udin, la arlef e celebre
lis lenghis di dute europe

Miercus ai 26 di Setembar dal 2018 e je la XVII
Zornade Europeane des Lenghis, istituide tal 2001
dal Consei de Europe e de Union europeane par promovi e par prudelâ
la diversitât linguistiche e il pluralisim.

Tant che ogni an, ancje la ARLeF e celebre la Zornade
intune maniere speciâl, organizant in vie dal Lionello, a Udin,
un spazi informatîf e promozionâl cu la distribuzion a ducj i citadins
di materiâi e di gadgets sul significât de Zornade e la sô impuartance,
e su la lenghe furlane e lis ativitâts de ARLeF.

 I obietîfs gjenerâi de Zornade a son di informâ il public su la
impuartance di imparâ plui lenghis, cul fin di incressi il plurilinguisim
e la comprension culturâl; di promovi, tutelâ e favorî
la diversitât linguistiche e, par finî, di incoragjâ a imparâ lis lenghis dilunc di dute la vite, a cualsisedi etât e par cualsisedi reson.

Fracant chi o podês savênt di plui
lei online

"çurviei scjampâts"

e torne la trasmission dal teatro incerto
su radio spazio

Dai 25 di Setembar dal 2018 e torne su Radio Spazio 103
"Çurviei scjampâts", la sitcom dute di ridi,
finanziade de ARLeF – Agjenzie Regjonâl pe Lenghe Furlane,
che e cjacare de gnove emigrazion furlane
cu la simpatie e la ironie dal Teatro Incerto.

La trasmission e larà in onde il martars e il vinars
aes 7.30, 11.30, 17.00 e 19.30 .

Fracant chi o podês savênt di plui
lei online

la ARLEF A
GUSTI DI FRONTIERA 2018

AI 29 E AI 30 DI SETEMBAR DAL 2018, A GURIZE

La colaborazion de Agjenzie Regjonâl pe Lenghe Furlane (ARLeF)
cul Comun di Gurize e va indenant ancje pe edizion 2018
de manifestazion enogastronomiche “Gusti di Frontiera”.

 
Sabide ai 29 e domenie ai 30 di Setembar,
la ARLeF e sarà in place Sant Antoni a Gurize
cuntun propri spazi dulà che a saran disponibii gadgets e
materiâi informatîfs e promozionâi par furlan.

Vignît a cjatânus!