In atuazion de L.R. n. 6/2015, la ARLeF e sosten
la realizazion di manifestazions culturâls pe celebrazion
de Fieste de Patrie dal Friûl di bande di Ents locâi
in colaborazion cu lis pro loco e altris sogjets publics o privâts
cence fins di vuadagn o cun finalitâts mutualistichis.

La Agjenzie e met a disposizion un totâl di 25.000 euros
par ducj i Ents locâi che a àn la lôr sede intai teritoris
des ex provinciis di Gurize, Pordenon e Udin e,
pe prime volte, ancje pai Comuns furlans dal Venit.

Lis ativitâts culturâls a podaran jessi realizadis, ancje on line,
di un ent locâl singul o di agregazions.

Lis domandis a varan di rivâ dentri dal tiermin perentori
dai 8 di Març dal 2021, dome vie PEC ae direzion arlef@certgov.fvg.it.


Par acedi a dute la documentazion

La iniziative promovude de ARLeF e à vût un acet positîf
di bande des aministrazions locâls che, in ocasion dai 3 di Avrîl,
zornade des celebrazions pe Fieste de Patrie dal Friûl,
a podaran vistî di fieste i lôr comuns.
 
Intai mês passâts, la ARLeF e à cjapât contat
cun ducj i comuns furlans, metintsi a lôr disposizion
pe distribuzion de bandiere - ricognossût in maniere uficiâl
cuntune leç regjonâl - che al mostre, suntun fondâl celest,
la innomenade acuile eraldiche colôr aur cu lis alis viertis.

In curt, duncje, si scomençarà cu la distribuzion,
che e finirà in timp par podê celebrâ ducj insiemi il 3 di Avrîl,
piturant di celest i lûcs simbul de Patrie.



Par savênt di plui su la bandiere dal Friûl