Viôt la version on line / Facebook
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
arlef_gusti di frontiera.jpg

“gusti di frontiera 2016”
ANCJE LA LENGHE FURLANE
TRA BANCUTS E VISITADÔRS

Sabide ai 24 e domenie ai 25 di setembar
La fieste a gurize

Ancje chest an la fieste enogastronomiche Gusti di Frontiera e fevele furlan in graciis de colaborazion de ARLeF cul Comun di Gurize.

Sabide ai 24 e domenie ai 25 di Setembar, in place Sant Antoni, des 10.00 indevant, la ARLeF e sarà presinte cuntun so bancut dulà che a saran dâts fûr materiâi informatîfs, gadgets e materiâi ludics e didatics pai fruts.

Tal Parc dal Municipi, domenie ai 25 di Setembar, aes 11.00,
apontament pai fruts e pes fameis 
cul spetacul teatrâl cun musiche dal vîf “11 a 0”, 
di e cun Michele Polo e Paolo Paron.


Fracant chi o podês lei dut il program

lei online
 
arlef_zel 2016.jpg

"Zornade europeane
des Lenghis”

la ricorence ai 26 di Setembar


Ogni an ai 26 di Setembar si fâs fieste pe Zornade Europeane des Lenghis istituide dal Consei European di Strasburc intal 2001 
par sburtâ l’aprendiment des lenghis in Europe, par difondi 
il plurilinguisim, la comprension fra culturis diferentis
e par promovi la grande diversitât linguistiche e
culturâl dal teritori european. 

 Lis lenghis a son un ricjece culturâl e une oportunitât fondamentâl 
di scambi e di relazion tra popui e la Regjon F-VJ di simpri, 
cu lis sôs cuatri lenghis - furlan, talian, sloven e todesc -
e rapresente un câs pardabon speciâl. Par ricuardâ la ricorence,
la ARLeF e à realizade une cartuline speciâl


Fracant chi o podês savênt di plui

lei online
arlef_bordano_newsletter 2016.jpg

“sotscrit il protocol di intese fra la ARLEF,
il comun di bordan e
la Cjase des Paveis”

LA LENGHE FURLANE E JENTRE IN MÛT SIMPRI PLUI ATÎF 
INTE ATIVITÂT PROMOZIONÂL, INFORMATIVE E DIDATICHE 
DE FAMOSE REALTÂT ECOMUSEÂL



Chê di Bordan e je la plui grande Cjase des Paveis di Italie e une realtât ecomuseâl tra chês plui impuartantis a nivel internazionâl, 
perfete par valorizâ la lenghe furlane in lûcs di grande
frecuentazion turistiche e formative.  

In graciis dal protocol, sotscrit ai 19 di Setembar, la ARLeF, 
il Comun di Bordan e la cooperative "Farfalle nella Testa" si impegnin
a ativâ azions di disvilup finalizadis a favorî l'ûs de lenghe furlane
inte divulgazion sientifiche e naturalistiche, inte didatiche
e intal turisim sostignibil.

Il gjestôr de struture al à za prontât cualchi percors di visite vuidade tignût in lenghe furlane e trê pachets didatics specifics par furlan, 
indreçâts aes scuelis dal teritori. 

Cun di plui, si è impegnât a fâ segnaletiche e cartelonistiche plurilengâl;
 a meti la lenghe furlane intal sît internet, intal materiâl promozionâl
e in dute la comunicazion uficiâl dai avigniments tematics; 
a doprâ il furlan intai tescj des mostris temporaniis; a furnî articui
di divulgazion sientifiche che a saran doprâts de ARLeF 
pai propris fins istituzionâi e divulgatîfs.

La Cjase des Paveis e je vierte dal prin di Març ai 31 di Otubar dal 2016.   



Fracant chi o podês savênt di plui

lei online
 
STANUS DAÛR SU
Facebook / Twitter
ARLeF
Agjenzie regjonâl pe lenghe furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.