Viôt la version on line / Facebook
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
nuovi sportelli.jpg

“sportel regjonâl
pe lenghe furlane”

Un gnûf model di gjestion e cuatri gnovis sedis

Presentât, te sede de Regjon F-VJ a Udin, il gnûf model di gjestion
dal Sportel Linguistic Regjonâl pe Lenghe Furlane.

Il progjet di Sportel, finanziât de Regjon cui fonts de Leç 482/99
e gjestît de ARLeF, al centralize i servizis di consulence linguistiche
e toponomastiche, di traduzion e di promozion de lenghe furlane
che fin vuê a vignivin coordenâts dai singui Comuns,
midiant di propris sportei.

A son ativis - in plui de sede centrâl di Udin - cuatri gnovis sedis periferichis
a Tumieç, tant che riferiment par dut il Friûl de Alte,
a Muçane, pal Friûl de Basse, a Gurize, pal Friûl Orientâl
e a San Vît dal Tiliment, pal Friûl Ocidentâl.

Clicant chi, o podês vê dutis lis informazions
sui servizis e su lis sedis dai Sportei

lei online
 
tui-e-tuie_newsletter.jpg

“tui e tuie"

a cjase cocel, la presentazion dal dvd dai cartons animâts
in lenghe furlane

La ARLeF e à presentât, tal museu di Cjase Cocel di Feagne,
il DVD di “Tui e Tuie”, i cartons animâts par furlan che a insegnin ai fruts
lis buinis regulis dal vivi civîl.

Une cincuantine di fruts des Scuelis de infanzie
di Sunviele e Madrîs e de Scuele primarie di Cicunins, a àn animât
la presentazion cun cjants e filastrocjis par furlan e a àn assistût
ae proiezion di dôs aventuris di Tuie Tuie.

In cheste ocasion, a jerin presints la assessore ae istruzion
Alessia Rosolen
, il president de ARLeF Eros Cisilino,
il diretôr de ARLeF William Cisilino, la dirigjente dal I.C. di Feagne
Renata Chiappino
, la diretore dal Ufici Scolastic Regjonâl Patrizia Pavatti
e il sindic di Feagne Daniele Chiarvesio, che a àn marcât
la impuartance dal plurilinguisim fin des scuelis de infanzie.

Il DVD cu lis aventuris di "Tui e Tuie" al podarà jessi ritirât li de ARLeF,
a gratis, dai insegnants e di ducj chei che a vuelin doprâlu
par finalitâts ludichis e didatichis.

detule ok.jpg

"dile tu la tô detule"

Premiâts i vincidôrs dal concors de ARLeF

Katia Ronchi, Agnese Catalano, e Iacopo Bodini
a son i vincidôrs dal concors "Dile tu la tô detule",
  inmaneât de ARLeF in ocasion des manifestazions
Friuli Doc e Gusti di Frontiera
dal 2018.

La cerimonie di premiazion e je stade fate in presince
dal president de ARLeF, Eros Cisilino, che al à consegnât ai trê vincidôrs
la maiute personalizade propit cul sproc proponût di ognidun di lôr:
"Lino, stino o ce fasìno?", "E tasê, che al è di mode?",
"Alc al è alc e Hulk al è vert"
.


Par savênt di plui

lei online

 
STANUS DAÛR SU
Facebook / Twitter
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.