Preseadis e Preseâts

Al è cun plasê che Us segnalìn lis iniziativis

"buinis fiestis"

La Agjenzie Regjonâl pe Lenghe Furlane
e augure a voaltris e aes vuestris fameis
bon Nadâl, bon Finiment e bon Principi!

Ancje pal 2019, l'obietîf de Agjenzie al sarà chel di impegnâsi
pe promozion e pe difusion de lenghe furlane
in ducj i ambits de vite moderne.

Si augurìn che il furlan al sedi une lenghe dal mont
e che tantis altri personis a ledin indenant
a sostignîlu cun passion insiemi cun nô.


Auguris di cûr!

"chest an disilu
par furlan"

il lunari de ARLeF pal 2019

Al è disponibil in ARLeF il lunari pal 2019:
il fîl ros par l'an gnûf a son i proverbis furlans.

Chei metûts tal lunari a son dome une sielte, chê plui rapresentative,
dai centenârs segnalâts dai partecipants al concors
inmaneât in ocasion des manifestazions
Friuli Doc e Gusti di frontiera 2018.

Chescj mûts di dî a son fîs di une maniere di viodi il mont sclete,
spieli di une savietât popolâr che no fale mai.

Pe modalitât di ritîr dal lunari o podês contatâ i uficis de ARLeF
clamant il numar 0432 555812 o scrivint
ae direzion arlef@regione.fvg.it.