Preseadis e Preseâts

Al è cun plasê che Us segnalìn lis iniziativis

“fieste de patrie dal friûl”
bant di 30.000 euros
pes iniziativis culturâls
dai ents locâi

scjadince des domandis ai 7 di Març dal 2016.

La Agjenzie Regjonâl pe Lenghe Furlane -  in atuazion aes normis de
L.R. n. 6 dai 27 di Març dal 2015, te suaze dal program anuâl aprovât di pôc de Zonte regjonâl - e sosten la realizazion di manifestazions culturâls pe celebrazion de “Fieste de Patrie dal Friûl” dai 3 di Avrîl dal 2016.

A son a disposizion un totâl di 30.000 euros.
A puedin acedi al bant ducj i ents locâi che a àn la proprie
sede legâl intun dai comuns cjapâts dentri tai teritoris des provinciis di Gurize, Pordenon e Udin.  A saran finanziadis lis ativitâts culturâls finalizadis a ricuardâ e valorizâ lis origjins, la culture
e la storie di autonomie dal popul furlan. 
Lis iniziativis e puedin jessi realizadis in colaborazion cu lis Pro Loco
e altris sogjets publics e privâts cence fins di vuadagn
o cun finalitâts mutualistichis.

Il bant, il regolament e i modui si puedin scjariâ dal sît de Agjenzie.
La domande e à di rivâ, dentri dal tiermin perentori dai 7 di Març.

Fracant chi o podês savê di plui

“emozions furlanis
in viaç pal teritori”

AL TORNE Il concors a premis pes scuelis
In ocasion dal inovâl dai 3 di Avrîl.
scjadince ai 21 di Març dal 2016.

In ocasion de Fieste de Patrie dal Friûl, l'Ufici Scolastic Regjonâl FVJ
in colaborazion cun ARLeF e Provincie di Udin,
al bandìs la cuinte edizion dal concors a premis
“Emozions furlanis in viaç pal teritori”
par valorizâ e promovi il patrimoni storic, artistic, culturâl e naturâl dal Friûl.

Il concors al è viert a dutis lis scuelis de infanzie, primariis e secondariis
di prin grât des provinciis di Gurize, Pordenon e Udin.
I trê miôr elaborâts a saran premiâts in te suaze de Cerimonie
che si tignarà a Gardiscje domenie ai 3 di Avrîl dal 2016.

I elaborâts a varan di jessi mandâts dentri dai 21 di Març dal 2016. 

Fracant chi o podês lei il regolament complet