Il furlan al devente la lenghe di Telegram:
la sô interface si pues za ativâle clicant achì: https://t.me/setlanguage/furlan-

Telegram e je une tra lis apps pai messaçs plui dopradis tal mont:
un sucès planetari che al à cjatât la juste sensibilitât
ancje in Friûl, intun grup di volontaris apassionâts di cheste plateforme
che a àn contatât la ARLeF – Agjenzie Regjonâl pe Lenghe Furlane
par vê un supuart linguistic professionâl e uficiâl,
par che Telegram al rivàs a fevelâ furlan in maniere corete.

In graciis di un lavôr impuartant di implementazion,
in colaborazion cul personâl dal Sportel Regjonâl pe Lenghe Furlane,
a son stadis voltadis e revisionadis par furlan cuasi 15.000 stringhis
dai sistemis operatîfs Android, iOS, TDesktop, MacOs e Android X.

Une operazion che e torne a confermâ
che pal furlan no je sierade nissune strade de comunicazion,
nancje chê dai imprescj plui modernis.


Par savênt di plui