Il president de Agjenzie Regjonâl pe Lenghe Furlane, Eros Cisilino,
e il sindic dal Comun di Tavagnà, Moreno Lirutti,
lunis ai 13 di Setembar dal 2021 a àn firmât il Protocol di Intese trienâl
pe tutele de lenghe furlane,
cul obietîf di garantî la presince dal furlan tes struturis dal Comun
e il rispiet dai dirits linguistics des lenghis minoritariis.
Un at che al nas de cussience che dome fasint rêt cui teritoris
si puedin meti in vore azions di tutele e di valorizazion dal furlan,
in linie cu lis esigjencis dai citadins.
In cheste suaze di colaborazion, la ARLeF e à la responsabilitât de consulence linguistiche e tecniche in materie di politiche linguistiche.
Il Comun di Tavagnà al metarà in vore lis ativitâts e lis azions previodudis pe atuazion dal Protocol metint a disposizion lis sôs risorsis economichis.
|