PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
BRANDUARDI A AQUILEE
Par un dopli apontament in colaborazion cun ARLeF
|
|
Il "cjantôr contestoriis" di Italie Angelo Branduardi
al torne in Friûl, ospit de citât di Aquilee.
Al sarà protagonist di un dopli apontament
organizât dal Comun di Aquilee e che al à ancje
la colaborazion de ARLeF.
Tant che apassionât di musichis tradizionâls,
Branduardi si è interessât ancje a chê furlane, cjapant ispirazion
propit de nestre balade popolâr in lenghe furlane
Scjaraçule Maraçule - atribuide a Giorgio Mainerio -
par componi la sô Ballo in fa diesis minore.
Ai 17 di Lui il cjantautôr al dialogarà
cul gjornalist dal Messaggero Veneto Oscar D’Agostino;
la sere dopo, ai 18, al sarà in conciert in place dal Cjapitul.
Informazions e prenotazions:
389 2858620 | aquileiachemusica@gmail.com |
Par savênt di plui
|
|
PREMI SPECIÂL DE ARLeF
A "CORTO A MURIS"
Pal vincidôr une ativitât cui fantats di YoupalTubo
|
|
Il festival Corto a Muris al è une iniziative che si fâs di agns
te suaze di “Muris in festa” par promovi la produzion cinematografiche,
audiovisive e multimediâl amatoriâl e locâl.
Pe edizion 2023, la Pro Loco di Muris, che e organize l’event,
e à pensât a une biele novitât: il bant di chest an
al previôt ancje un premi speciâl de ARLeF
pal miôr curtmetraç in lenghe furlane.
Il premi al sarà la pussibilitât di partecipâ
a une ativitât cu la scuadre dai fantats di YoupalTubo!
Scjadince presentazion dai lavôrs: 25 di Avost
Preiscrizion dentri dai 7 di Avost
Par lei dut il regolament
|
|
|
|
|