Copy


PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
 
A son in linie tancj gnûfs
cartons animâts
pai plui piçui

La ARLeF e met a disposizion dai fruts
un centenâr di cartons animâts par furlan

Pensant propit ai fruts che in chestis setemanis a àn di stâ a cjase,
la ARLeF – Agjenzie Regjonâl pe Lenghe Furlane,
e à metût a disposizion un centenâr di carton animâts par furlan
anticipant ancje la metude in linie de gnove serie Rite e Cjossul,
26 episodis che a contin lis zornadis di Rite, une frute di cinc agns,
e dal so cjan Cjossul, poltron e cuiet, che al è bon di fevelâ.

I cartons animâts a son stâts cjamâts
sedi inte sezion Fruts-Cartons animâts dal nestri sît,
sedi su Youtube, intune playlist dedicade:
si podin cjatâ duncje dutis lis pontadis di Omenuts,
lis aventuris di Tui e Tuie, i simpatics episodis di Rite e Cjossul
e lis pontadis de La Pimpa.

Cun di plui, la sezion Fruts dal sît e je un
tesaur siôr di tancj altris materiâi, par zuiâ e par divertîsi:
lis pontadis di Maman!, libris di lei in rêt, dissens di discjamâ e colorâ, cjançons e tant altri.


Cliche achì sot par viodi ducj i cartons animâts par furlan!

Cartons animâts
Emozions furlanis
in viaç pal teritori
Il tiermin par partecipâ al concors
al è posticipât ai 8 di Mai dal 2020

Il concors promovût dal Ufici Scolastic Regjonâl dal F-VJ, in colaborazion cu la ARLeF, al è viert aes scuelis de infanzie, primariis e secondariis di prin grât dal Friûl, cul obietîf di valorizâ il patrimoni storic, artistic, culturâl e naturâl dal Friûl.
Rivade ae IX edizion, la iniziative e celebre l’inovâl dai 3 di Avrîl,
Fieste de Patrie dal Friûl.

La premiazion dal concors si fasarà domenie ai 7 di Jugn dal 2020 tal Salon dal Parlament dal Cjistiel di Udin, inte suaze des celebrazions uficiâls de Fieste de Patrie dal Friûl, che sul imprin a jerin previodudis pai 5 di Avrîl dal 2020.

I docents a varan di trasmeti dentri dai 8 di Mai i progjets didatics in lenghe furlane al Ufici Scolastic Teritoriâl, in vie Diaz 60 – Udin, midiant consegne direte, par pueste o vie mail a parfurlan@gmail.com
 

I uficis de ARLeF a son sierâts al public ma operatîfs pai servizis essenziâi o urgjents

Par resons di sigurece e di prevenzion leadis ae emergjence epidemiologjiche in cors pal Coronavirus, su la fonde des disposizions emanadis in materie di bande des Autoritâts, si comuniche che i uficis de ARLeF a son sierâts al public ma che a restin operatîfs pai servizis essenziâi o urgjents. Si puedin contatâ telefonant al numar 0432.555812 o scrivint ae direzion di pueste eletroniche arlef@regione.fvg.it

Inte stesse maniere, ancje il Sportel Regjonâl pe Lenghe Furlane al è sierât al public ma operatîf. Chescj a son i contats:

Sportel Regjonâl pe Lenghe Furlane – Sede Centrâl
Tel. 0432 1743400 / Email: info@sportelfurlan.eu

Sede Friûl de Alte. Email: alte@sportelfurlan.eu
Sede Friûl de Basse. Email: basse@sportelfurlan.eu
Sede Friûl Ocidentâl. Email: ocident@sportelfurlan.eu
Sede Friûl Orientâl. Email: orient@sportelfurlan.eu

Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi frache achì. 
Par plui informazions lait a viodi la informative su la Tutele de privacy.