Viôt la version on line / Facebook
testata_newsletter_arlef.jpg

Preseadis e Preseâts

Al è cun plasê che Us segnalìn lis iniziativis

 
jerbas 600x335_2016_2 eventi.jpg

“Di jerbas e di suns"

un spetacul di musiche e peraulis par SIERÂ
la setemane de culture furlane.

 La serade finâl de “Setemane de Culture Furlane”
si tignarà Lunis ai 16 di Mai aes 20.45, li dal Teatri Gnûf
“Giovanni da Udine”, cuntune iniziative di grande intensitât.
“Di jerbas e di suns”  al è un spetacul te forme dal teatri cjançon,
che al propon i tocs musicâi di Cjamp dai pierdûts amôrs, il secont album dal Povolâr Ensemble dal 1983 e lis peraulis di Giorgio Ferigo.

A intiessi musiche a narazion a son lis vôs che di protagonistis
a compagnin i spetatôrs te discuvierte dai motîfs ispiradôrs di chel album, dai riferiments leteraris, dai materiâi e des fonts che Giorgio Ferigo
al veve cjapât ispirazion par ideâ cheste sô delicade e intense
Spoon River cjargnele.

La iniziative e je organizade di UPI-Friûl Vignesie Julie,
Societât Filologjiche Furlane, Associazion culturâl Giorgio Ferigo,
Associazion culturâl Colonos in colaborazion cu la Provincie di Udin.

Prenotazions, fin a esauriment dai puescj disponibii,
telefonant ai numars:
0432.279737 – 0432.279730 – 0432.279735 – 0432.279431
di lunis a vinars in orari 8.30-13.30.

 

Fracant chi o podês savê di plui

lei online
 
newsletter viarte 2016+arlef_ok.jpg

“fieste dA viarte”

il furlan al SCJALDE la fieste di cormons.
Apontament domenie ai 22 di mai.

In graciis de intese firmade di pôc tra la Agjenzie Regjonâl pe Lenghe Furlane e la associazion “Amîs de mont Quarine” di Cormons,
la “Fieste da Viarte” - rivade ae sô XVI edizion - e fevele furlan.
L'intindiment de intese al è chel di promovi il plurilinguisim
inte suaze de “Fieste” cuntun program culturâl e une schirie
di iniziativis che a rinfuarcissin la presince e l’ûs dal furlan
tes formis plui modernis che ur plasin a ducj, massime ai zovins:
musiche dal vîf cui Carnicats e altris grups,
leturis cun Lussia di Uanis, poesie,
animazions plurilengâls, presentazions di libris
e diretis cun radio Onde Furlane.  

A Cormons, la ARLeF e sarà presinte cuntun stand dulà
che a saran dâts fûr materiâi informatîfs e promozionâi
che a invidin a doprâ la lenghe furlane ogni dì.


Fracant chi o podês lei il program complet de Fieste

lei online
 
STANUS DAÛR SU
Facebook / Twitter
ARLeF
Agjenzie regjonâl pe lenghe furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr de leç 196/2003, frache CHI par tirâ vie la tô email dal archivi.
Par plui informazions lait a viodi la informative su la Tutele de privacy.