Preseadis e Preseâts

Al è cun plasê che Us segnalìn lis iniziativis

“Flon Flon & Musute”
une storie di pâs al SMO 

Vinars ai 14 di Otubar dopli Apontament
pal public e pes classis di arlêfs
des scuelis primariis di Sant Pieri dai Sclavons

Il teme dal confin e des barieris linguistichis e culturâls, chel des vueris
e des profugancis, al sarà il cûr di une iniziative programade par
Vinars ai 14 di Otubar, li dal Smo, a Sant Pieri dai Sclavons,
e nassude de colaborazion tra la ARLeF, l'Istitût pe culture slovene (Isk)
e la Associazion culturâl “El Tomât” di Buie. A saran presentâts il libri
“Flon Flon & Musute”, vincidôr dal premi Andersen intal 1996,
e il so video animât te version furlane (musicât di Leo Virgili).

Intal prin dopomisdì, aes 14.30, al sarà il moment dai fruts des scuelis primariis, cun proiezions e leturis par furlan e sloven  par cure di Laura Nicoloso e di Marina Cernetig, e lis riflessions su la atualitât.

Po dopo, aes 18.00, al sarà l'incuintri viert al public
“La vuere no mûr mai”, cu la presentazion dal libri e dal video e
i intervents di Živa Gruden vicepresidente dal Isk, Lorenzo Fabbro president de ARLeF,  Maša Klavora de Fondazion Sentieri della Pace, Livio Sossi docent di leterature de infanzie te Universitât dal Friûl
e te Universitât dal Litorâl a Cjaudistrie
e Guglielmo Pitzalis de associazion El Tomât.

La serade e sarà inricjide des leturis bilengâls di Nicoloso e Cernetig,
e si sierarà cuntun ghiringhel furlan/sloven. 

Fracant chi o podês sâve di plui

“Premi Gjso Fior"
Ultin dîs par partecipâ
al Concors di PoesiE

I elaborâts a varAn di rivâ dentri
dai 31 di Otubar dal 2016

Al è rivât ae sô 11me edizion il Concors Internazionâl di Poesie che
chest an al celebre il centenari de nassite dal poete Gjiso Fior.

Dôs a son lis sezions: une pai autôrs che a scrivin par furlan
in dutis lis sôs varietâts;  la seconde par ducj i fruts
des Scuelis Primariis dal Friûl che a podaran
partecipâ cuntun massim di trê poesiis cun teme libar.

In ocasion des celebrazions pal Centenari,
e je stade creade la sezion speciâl pes Scuelis
"Sul troi di Gjso: la Cjargna e il mont",
simpri risiervade ai fruts che a puedin partecipâ
cuntun massim di trê dissens peâts ae figure di Gjiso.

Lis oparis a varan di rivâ dentri di
Lunis ai 31 di Otubar dal 2016

Fracant chi o podês lei il bant complet

segnaiTsi la date
“sunseurope”
al torne in curt

dal 1 ai 3 di dicembar, a Udin,
l'unic festival european des arts performativis
in lenghe minoritarie

Al è rivât une altre volte il moment di SunsEurope,
il Festival european des arts performativis in lenghe minoritarie
dedicât ae prose, ae poesie, al teatri, aes produzions cinematografichis
e a tancj stîi di musiche zovine.

Il Festival al gjolt dal patrocini dal Consei di Europe dongje dal bol EFFE
(Europe for Festivals, Festivals for Europe), che la European Festivals Association e assegne aes manifestazions che si metin in mostre
pe cualitât artistiche dal program e pal lôr impat significatîf
a nivel locâl, nazionâl e internazionâl.

Il program tal detai di SunsEurope 2016 al sarà in linie in curt ma za cumò si pues segnâ la date dal grant event finâl musicâl:
Sabide ai 3 di Dicembar
li dal Teatri Gnûf “Giovanni da Udine” a laran a sfidâsi artiscj e grups
che a rivaran di ogni bande de Europe.

Suns Europe 2016 al è un progjet de Cooperative di Informazion Furlane, metût adun cul jutori de ARLeF, de Regjon FV-J e di Turismo FVG, cu la colaborazion di Punto Zero Societât Cooperative, CEC - Centro Espressioni Cinematografiche di Udin, des associazions Bottega Errante e Il Laboratorio, dal Comun di Udin e dal Teatri Gnûf Zuan di Udin.

Fracant chi o podês sâve di plui