“Maraveis in sfrese/Meraviglie socchiuse“,
il spetacul realizât di ARLeF e di Mittelfest
in ocasion de serade finâl di Mittelfest 2019,
al larà in onde, tal ambit dai programs de sede regjonâl
de RAI pal Friûl Vignesie Julie,  su RAI 3
domenie ai 9 di Fevrâr dal 2020, aes 09.30.

Si trate di un viaç inte storie musicâl dal teritori
che al à tocjât un profîl artistic une vore alt e plen di sugjestions,
dulà che musiche, cjant, videoart, recitazion e danze si son unîts
intun ecuilibri savint di lengaç e di autôrs diviers.

Un event di viodi (o tornâ a viodi) par scuvierzi e lassâsi puartâ
de musiche, de leterature e de piture
dai plui grancj autôrs furlans dal secul XVI a vuê.

La trasmission si podarà viodile ancje in repliche
miercus ai 12 di Fevrâr dal 2020, aes 21.20, su RAI3 bis (canâl 103).