Copy


PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

"Jacopo Pirona e la lessicografia friulana"

Une cunvigne di studis pai 150 agns
de muart dal abât furlan che si podarà seguî on line

Chest an a colin i 150 agns de muart di Jacum Pirone,
om di letaris, docent, cultôr di furlan
e autôr dal prin vocabolari de lenghe furlane.

La ARLeF, la Societât Filologjiche Furlane e il Comun di Dignan
a organizin une cunvigne ai 10 e ai 11 di Dicembar dal 2020
che si podarà seguî in direte sul sît www.filologicafriulana.it

La conference di studis e indagarà soredut la dimension
plui cognossude dal Pirona, chê di lessicograf:
il so Vocabolario friulano, di fat,
al è une vore impuartant pai studis sul furlan,
tra lessic e gramatiche, tra toponomastiche e grafie.



Viôt il program des voris

Cliche achì

"Giorgio Mainerio, un misteri furlan"

Il spetacul presentât a Mittelfest 2020
disponibil sul sît e sul canâl Youtube de ARLeF

Il spetacul “Giorgio Mainerio, un misteri furlan”,
produsût de ARLeF e di Mittelfest,
al è disponibil in version video sul sît de ARLeF
e sul canâl YouTube de Agjenzie.

La opare multimediâl e ufrìs la ocasion par tornâ a scuvierzi
la storie di Giorgio Mainerio, musicant, predi e, forsit, necromant,
che intal 1563 al fo incuisît par eresie e po dopo assolt.

Autôr de dramaturgjie e regjist dal spetacul
al è Marco Maria Tosolini cun Paolo Antonio Simioni,
te part dal protagonist.

Il spetatôr si cjate dentri di un viaç visionari,
dulà che musiche, teatri, bal e contemporaneitât
si corin daûr, metint in lûs il contest
plurilinguistic e pluriculturâl dal nestri teritori.


Par viodi il video dal spetacul

Cliche achì
"Contis tal Grimm"
La gnove trasmission radiofoniche pai fruts su Radio Spazio 103

Al è a pene tacât il gnûf progjet de ARLeF e di Radio Spazio 103
pai fruts dai 5 ai 10 agns:
une trasmission radiofoniche par scoltâ
ogni dì lis contis innomenadis dai fradis Grimm...par furlan!

Lis flabis a son elaboradis di pueste par un formât radiofonic inedit,
adat a stiçâ la atenzion dai plui piçui.
I episodis de conte a van in onde dal lunis al vinars,
aes 07.10, aes 12.10, aes 16.00 e aes 18.25

e in repliche la sabide aes 19.00 e la domenie aes 21.00.

La trasmission e je par cure di Claudio Romanzin, Aida Talliente,
Federico Scridel, Christian Pevere e Michele Polo.

Ae fin de setemane,
la conte e a sarà disponibile sul sît de ARLeF
par tornâ a scoltâle in cualsisei moment.

 

Discuvierç dute la programazion

Cliche achì
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi cliche achì. 
Par plui informazions lait a viodi la informative su la Tutele de privacy.