Ogni martars aes 14.20 e aes 21.30, cuntune repliche di vinars, a van in onde i programs produsûts de sede RAI regjonâl
Tignît di voli il canâl 103 dal digjitâl terestri (Rai 3 bis): al è culì, di fat, che i furlans a puedin sintonizâsi par viodi la gnove programazion televisive par furlan inmaneade de RAI regjonâl. L’acuardi tra la Presidence dal Consei e la RAI, in vore dal 1n di Otubar dal 2020 fin ai 21 di Avrîl dal 2021, al à zontât pe prime volte 30 oris intun an di trasmissions televisivis par furlan, adun cuntun potenziament de produzion radiofoniche, che e passe di 90 a 120 oris.
Rai 3 bis (canâl 103) al trasmet ogni martars programs in lenghe furlane par grancj e par piçui, in dôs fassis orariis di pueste.
Des 14.20, dopo dal TGJ regjonâl, une selezion di cartons animâts par furlan e puartarà ligrie e divertiment intai dopodimisdîs dai plui piçui.
Inte fasse serâl invezit, des 21.30, la ufierte culturâl e je pardabon varie. A laran in onde spetacui teatrâi, films, videos e sitcoms par furlan. Tra chescj, colaborazions di presi che a rindaran la lenghe furlane une protagoniste gnove e impuartante pal palinsest de Rai.
Dutis lis trasmissions a laran in repliche ogni vinars: chês pai fruts aes aes 14.20 e chês dal palinsest serâl aes 21.20.
Ve culì i programs inzornâts:
martars ai 9/11 – Estrats di Jo i soi. Ricordando Pasolini, di Brugnetta.
martars ai 16/11 – Prin Plan – gnovis e oltri Magazin, di Del Favero.
martars ai 23/11 – La forma dell’infinito, presentazion mostre di Casa Cavazzini a Udin fino ai 27 di Avrîl par cure di Antonia Pillosio.
martars ai 30/11 – DLENG 3 – conciert cul clarinet Fabrizio Meloni, la Accademia Arrigoni, direzûts di Bressan.
martars ai 7/12 – Patat d’Artegna. Ritratto di scultore, di Nicoloso.
martars ai 14/12 – Prin Plan – gnovis e oltri Magazin
martars ai 21/12 – DLENG 4 – conciert cul violoncelist Enrico Dindo e la Accademia Arrigoni, direzûts di Bressan.
martars ai 28/12 – Timp e Tiare – prime part, coproduzion ARLeF e Mittelfest 2021.
martars ai 4/01/2022 – Timp e Tiare – seconde part, coproduzion ARLeF e Mittelfest 2021.
martars ai 11/01 – Patriae – prime part, di Marco D’Agostini.
martars ai 18/01 – Patriae – seconde part, di Marco D’Agostini.
