La Stafete pal Friûl

Domenie ai 7 di Avrîl dal 2019, in ocasion de Fieste de Patrie dal Friûl, si è davuelte la tierce edizion de “Stafete pal Friûl” promovude de ARLeF – Agjenzie Regjonâl pe lenghe Furlane in colaborazion cu la Associazione Sportiva Maratonina Udinese, che e à tant che presidents il Dot. Paolo Bordon e Venanzio Ortis.

La consegne de bole imperiâl

La Stafete e je partide di Marian aes 9.30, par dopo passâ i teritoris di Romans dal Lusinç, Migjee, Cormons, Caprive, San Lurinç, Mosse; e e je rivade tor lis 13.15 a Gurize, inte sede des celebrazions de Fieste di Patrie, par consegnâ in maniere simboliche al sindic di Gurize, Rodolfo Ziberna, la bole imperiâl che lis scuadris partecipantis si son scambiadis tant che testemoni.

Te corse, di caratar ludic motori, i atletis di societâts sportivis dal teritori si son alternâts in trê tapis, cun passaç dal testemoni a Cormons e Mosse.

Determinante pe buine riessude de stafete e je stade la partecipazion ative des vot Aministrazions comunâls coinvoltis, che ur è stade consegnade copie de Bole Imperiâl, il document che intal 1077 al à decretade la fondazion de Patrie dal Friûl.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304