Al è daûr a tacâ un gnûf progjet ARLeF:
un canâl YouTube fat di zovins pai zovins.
 
O cirìn fantatis e fantats cun mancul di 28 agns,
che a sedin za Youtubers o che a vuelin deventâlu,
che a vedin voie di contâsi al mont, di condividi lis propriis passions
cun altris utents zovins e di esprimi il propri talent par furlan.
 
YouTube, la innomenade plateforme web
pe condivision e pe visualizazion di contignûts video,
al è un spazi par interagjî, informâ, imparâ, cjapâ ispirazion …
il gnûf canâl al podarà ufrî ai utents dut chest!
 
Al è facil partecipâ: al baste mandâ, dentri dai 12 di Mai,
une videopresentazion curte, dulà fâ viodi
lis propriis capacitâts comunicativis
e contâ il teme che si volarès frontâ tal gnûf canâl YT.

Par dutis lis informazions

Pe Setemane de Culture Furlane di chest an,
la Agjenzie Regjonâl pe Lenghe Furlane e à pronts
doi apontaments dedicâts ai fruts e a lis lôr fameis.

I events, che si podaran viodi in streaming su www.setemane.it,
a integnin la presentazion di doi libris finanziâts de ARLeF.

Martars ai 11 di Mai, aes 16.00, si fasarà
la presentazion, cu la leture animade par cure di Lussia di Uanis,
dal audiolibri "Pierin Pieron e la strie Bistrie" (Futura edizioni).

Miercus ai 12 di Mai, aes 18.00, invezit, e je la volte
de presentazion di "La storie di Lolo il..." (Forum editrice).

Doi apontaments che a saran ocasion
di riflession linguistiche, leterarie e di atualitât,
cu la presince dal president de ARLeF, Eros Cisilino,
e la compagnie di doi personaçs, Pierin Pieron e Lolo,
che a àn une storie dute di scuvierzi.

 
Par dutis lis informazions