“Il Ream dai Fruts”, “Sacheburache” e “Vosutis te sachete”
a son i trê gnûfs progjets video musicâi in lenghe furlane
presentâts e finanziâts de ARLeF e dedicâts ai fruts dai 3 ai 10 agns.
Si trate di 27 videos in dut, che a doprin in maniere origjinâl
il lengaç sempliç e universâl de musiche e lis imagjins
par coinvolzi i fruts, insegnantjur, in maniere divertente, la marilenghe.
Il Ream dai Fruts al è il progjet de Associazion Numar Un
che al propon la version in lenghe furlane
dal famôs progjet internazionâl argjentin “El reino infantil”,
cu la traduzion des cjançons e cul adatament dai personaçs al contest furlan.
Sacheburache al è il progjet di BelkaMedia che al propon
lis nainis de tradizion orâl intune gnove vieste musicâl, par rindilis adatis, gjoldibilis e fruibilis aes gnovis gjenerazions, proponintlis ancje intune version rap origjinâl cu la colaborazion di Dj Tubet.
Il tierç al è Vosutis te sachete, progjet de Associazion musicâl “Beltram di Aquilee” che al presente cjançons ineditis in marilenghe,
interpretadis dai fruts stes e acompagnadis di videos divertents e colorâts.
Ducj i videos a son disponibii sul sît e sul canâl Youtube de ARLeF.
Par savênt di plui
