Suns Europe chest an si propon cuntune edizion estive
par permeti che il festival si davuelzi in sigurece totâl,
tal rispiet des normis pal contigniment dal Covid-19.

Tantis lis novitâts di cheste seste edizion dal festival
inmaneât de cooperative Informazione Friulana,
cu la poie finanziarie de Regjon autonome Friûl-Vignesie Julie
e de ARLeF – Agjenzie Regjonâl pe Lenghe Furlane.

Sabide ai 22 di Avost aes 21 prin apontament cun Suns Friûl in place Venerio a Udin, dedicât aes gnovis produzions musicâls furlanis.

Domenie ai 30 di Avost aes 21 apontament cul concierton
di Suns Europe li dal Cjistiel di Udin:
si esibiran sul palc artiscj che a rivin di Ladinie, Gales, Paîs Basc,
Friûl e Sardegne.

I events a son a jentrade gratuite, ma si à di prenotâ il biliet clicant achì: https://www.sunseurope.com/fur/prenotazion/.
Intal rispiet des normis in vore, i puescj a son limitâts,
duncje spesseait a prenotâsi!

I apontaments a van indevant fin ai 19 di Setembar: program e informazions si cjatin sul sît www.sunseurope.com e su la pagjine Facebook https://www.facebook.com/SunsEuropeFestival.

La Associazion culturâl “Luigi Candoni”,
cu la poie de ARLeF – Agjenzie Regjonâl pe lenghe furlane,
e organize, in ocasion de manifestazion “Premi Candoni”,
la seconde edizion dal concors atelier
“Premi Candoni – Oparis teatrâls in lenghe furlane”.

Il concors al vûl promovi e difondi la lenghe furlane intal setôr de formazion dramaturgjiche, sostignint sedi la scriture di tescj gnûfs in lenghe furlane pe produzion di spetacui teatrâi professionâi, che il disvilup di ativitâts dramaturgjichis e teatrâls su la fonde di une progjetualitât impuartante, tant che il program “Il furlan lenghe dal teatri”.

I partecipants a varan di inviâ i materiâi
dentri dai 13 di Novembar dal 2020.
A podaran ancje assisti a cuatri incuintris di studi e di aprofondiment
su la grafie uficiâl de lenghe furlane e su la scriture teatrâl,
che si tignaran tal Teatri Gnûf “Giovanni da Udine” tal mês di Otubar.

Par vê plui informazions, consultâ la pagjine Facebook de associazion
“Luigi Candoni” o scrivi a associazionecandoni@gmail.com.