Preseadis e Preseâts

Al è cun plasê che Us segnalìn lis iniziativis

“vicino/lontano 2016"
il Festival al fevele lis lenghis dal teritori

in graciis de colaborazion cu la ARLEF
une gnove impuartante operazion di politiche linguistiche.
IN LINIE LA VERSION PAR furlan, todesc e sloven DAL SÎT.

Pe edizion 2016 di "vicino/lontano" -  previodude a Udin dai 5 ai 8 di Mai - si rinfuarcìs la colaborazion cu la  Agjenzie Regjonâl pe Lenghe Furlane
za inviade l’an passât.  In particolâr la Agjenzie e à colaborât pe version plurilengâl dal sît web che vuê si mostre dongje che par talian,
ancje par furlan, sloven, todesc e inglês.
Ancje il program in cjarte di vicino/lontano che al sarà dât fûr in miârs
di copiis, si vierç cul benvignût ai partecipants in dutis lis lenghis
dal teritori. In plui, in graciis dal impegn de ARLeF a cressin ancje
i apontaments che dentri dal cartelon dal Festival e prefestival a fevelin
par furlan : chest an a saran fintremai 7, dedicâts a grancj e picinins.

Nassût dal leam fuart cu la figure dal gjornalist e scritôr Tiziano Terzani,
il festival “vicino/lontano” si fâs ogni an a Udin, dal 2005, intal mês di Mai, cun incuintris, dibatiments, conversazions, conferencis, lezions, leturis, mostris, spetacui e proiezions si disvilupin par cuatri zornadis intensis
tal centri storic de citât e tai edificis plui sugjestîfs.

  Fracant chi o podês discuvierzi la gnove version dal sît

“Ativitâts didatichis par furlan te Cjase des paveis"

Un supuart in plui ae ativitât didatiche
e un stimul interessant, gnûf e divertent
pai fruts des scuelis dal Friûl.

Un supuart in plui ae ativitât didatiche e un stimul interessant, gnûf
e divertent pai fruts des scuelis dal Friûl. In graciis dal protocol di intese condividût de ARLeF cul Comun di Bordan, la lenghe furlane e je jentrade in maniere ative e sinergjiche te ativitât promozionâl, informative
e didatiche de Cjase des Paveis di Bordan.  
Il catalic de ufierte didatiche pal an scolastic 2015/2016 al propon a fruts, students e adults la pussibilitât di sielzi trê laboratoris specifics fats
in lenghe furlane e compagnâts di materiâi fats di pueste
e distribuîts ai partecipants.

Lis ativitâts a son:
1.Un planet di paveis. Il zîr dal mont intune ore o pôc di plui
2. La vite straordenarie di Rosa e Emilio
3. Oms e lâts. Il lât di Cjavaç e la vite dulintor 

Prenotaitsi par timp!

La Cjase des Paveis e je vierte  fin ai 31 di Otubar 2016
in chestis zornadis e oraris: 
dal lunis al vinars des 9.00 aes 18.00
sabide, domenie e dîs di fieste des 9.00 aes 15.00

Par informazions e prenotazions des visitis e dai laboratoris
o podês clamâ o scrivi:
tel 0432 1636175 - mob. 344 2345406
e-mail: didattica@bordanofarfalle.it

  Fracant chi o podês scjariâ il catalic