PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

Ancje chest an, al torne il premi speciâl de ARLeF
tal concors pes scuelis "Premia la tua classe", dal Città Fiera.

Il teme pe edizion 2021/2022 dal premi in lenghe furlane
al è "Une gjite tal mont dai golosets".

Al è indreçât aes scuelis de infanzie e primariis
dai teritoris di lenghe furlane e al previôt
la categorie "Teme" (pes scuelis primariis che a vuelin scrivi
un test ispirât ae gjite tal mont dai golosets)
e la categorie "Dissen" (pes scuelis de infanzie e primariis che a vuelin
presentâ un dissen, simpri ispirât a chest teme).

La Agjenzie e premiarà une classe par ogni categorie dal premi
cuntun bon di 250 euros par comprâ materiâl didatic.

I elaborâts a àn di rivâ dentri dai 28 di Fevrâr dal 2022.

Par lei il regolament complet

Fin ai 31 di Zenâr dal 2022,
lis scuelis e dutis lis personis interessadis - in particolâr i zovins -
a puedin partecipâ al concors in lenghe furlane patrocinât de ARLeF
"La peraule dal cûr", inmaneât dal Città Fiera.

Un invît a condividi la tô peraule o filastrocje in lenghe furlane
che plui tu âs tal cûr, cu la motivazion sul significât speciâl che e à par te.

Si pues vinci une gift card dal Città Fiera
e materiâl in lenghe furlane metût a disposizion de ARLeF.

Cun cheste iniziative, il centri comerciâl si impegne
te promozion e te valorizazion de lenghe furlane.

Par partecipâ al concors al baste jemplâ e mandâ il modul a segreteriapromozioni@cittafiera.it

Par discjamâ il modul e par lei il regolament complet