Copy

PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
"INCUINTRI AL DOMAN"
il gnûf video dal Imni uficiâl dal Friûl
al emozione ancjemò une volte

Ancje chest an, o celebrìn la Fieste de Patrie dal Friûl
su lis notis dal nestri Imni uficiâl.

 Us presentìn duncje il video 2023 di "Incuintri al doman",
il cjant dal nestri popul e de nestre tiere,
te nestre lenghe.

I protagoniscj dal video a son i zovins
dal côr "VocinVolo - Ritmea" di Udin che,
tal splendit contest de Vile Gallici Deciani di Montegnà,
a àn tirât fûr dut il lôr talent par esprimisi
intun cjant delicât e emozionant.

La passion de lôr mestre, Lucia Follador,
e lis notis inmagantis dal pianoforte
a completin dut in maniere magjiche.

Tai 946 agns de Patrie dal Friûl, ricuardâ i valôrs
de culture, de lenghe, de storie e de identitât furlane
midiant di chest video, al à un significât unic e speciâl.

 Progjet realizât dal
Istitût Ladin Furlan "Pre Checo Placerean"
cul finanziament de ARLeF e de Regjon F-VJ.



Par viodi il video e condividilu

Cliche achì
"MARC DI MURÙS"
il video di YouPalTubo che al conte
la storie dismenteade di un eroi furlan
Une storie dismenteade
che e merete di sei cognossude.
E cuant, se no pai 3 di Avrîl?
 
Cun chest video, Federico di YouPalTubo
nus conte de figure di Marc di Murùs,
confenonîr dal Stât patriarcjâl furlan.
 
Cuant che tal 1420, ducj i nobii furlans
a jerin daûr a pleâsi ae dominazion de Republiche di Vignesie,
Marc al è restât fedêl al patriarcje e ae bandiere furlane,
paiant cu la sô vite chest at di ribelion "contra dominante".
 
Un esempli di nobiltât di cûr e di lote pe libertât,
che par agns al è restât platât tai meandris de storie,
e che us proponìn in ocasion de
Fieste de Patrie dal Friûl 2023.


Cjale il video e condividilu!

Buine Fieste de Patrie dal Friûl!

Cliche achì
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi cliche achì. 
Par plui informazions lait a viodi la informative su la Tutele de privacy.