A pôcs dîs de publicazion online, YOUpalTUBO
al è za un sucès in dut il Friûl (e no dome!).

La iniziative de ARLeF di un gnûf canâl Youtube fat di zovins furlans
e à za une sdrume di visualizazions e di coments sot dai videos,
dulà che i utents si complimentin divertîts
cu la scuadre di youtubers.

In chest lûc virtuâl, i vot fantats dal grup a contin
lis lôr passions in maniere ironiche, cu la lizerece che dome i zovins
a san trasmeti, e lu fasin in buine part par furlan!

Al è un strument viert a ducj
par podê tratâ tematichis di interès comun,
par imparâ e insegnâ, condividi e scuvierzi robis gnovis
sul Friûl, sui furlans e sul furlan.

Fabio, Mattia e Federico, Diego,
Davide, Lucia, Federico e Francesco
us spietin sul canâl par vivi insiemi
lis aventuris (e disaventuris)
plui bielis dal Friûl..lait di corse a notâsi!
 

Pai 100 agns de muart di Jacum dai Zeis (Giacomo Bonutti),
al nas il premi leterari par contis umoristichis,
cul obietîf di recuperâ i valôrs de culture popolâr furlane.

Il concors al à une categorie par contis in lenghe furlane
e une par chês in lenghe taliane e a puedin partecipâi
personis di chenti, di dute Italie e ancje dal forest.

I componiments si àn di mandâ dentri dai
15 di Avrîl dal 2022.

Concors promovût dal editoriâl "Il Friuli" in colaborazion cu la ARLeF,
la Societât Filologjiche Furlane e la Universitât dal Friûl.
Al gjolt dal patrocini de Presidence dal Consei regjonâl dal F-VJ,
di Ente Friuli nel Mondo e dai Comuns di Codroip, Pucinie e Talmassons.
Cu la poie di Comitât UNPLI F-VJ,
Confartigianato e Confcommercio di Udin e BancaTer.

Par lei il regolament