Iniziative indreçade ae formazion in servizi dai insegnants, inmaneade
de Universitât dal Friûl par cure di Fabiana Fusco e Gabriele Zanello,
finanziade de Regjon Friûl-Vignesie Julie, in colaborazion cu la ARLeF
e cul Centri Regjonâl di documentazion, ricercje e sperimentazion didatiche pe scuele furlane (Docuscuele) e cul patrocini dal Ufici Scolastic Regjonâl.

I incuintris si davuelzaran dai 4 di Novembar ai 6 di Dicembar dal 2022
te Aule 3 dal Pôl di Formazion de Universitât dal Friûl,
in vie Margreth 3A a Udin.

Iscrizions dentri di joibe ai 3 di Novembar te pagjine:  https://uniud.esse3.cineca.it/Home.do

La partecipazion al cors e je gratuite. A chei che a partecipin almancul
ai doi tierçs des oris di lezion ur vignarà dât un atestât.
 

In cheste gnove edizion dal premi speciâl de ARLeF,
tal concors "Premia la tua classe" dal Città Fiera,
lis classis a podaran presentâ i lavôrs in lenghe furlane
cun riferiment al teme
“Se jo o fos un sienziât tal gno laboratori o inventarès…”.

La iniziative si indrece aes scuelis de infanzie e primariis
dal teritori furlanofon
e e previôt la categorie Dissen (pes scuelis de infanzie e primariis)
e Teme (pes scuelis primariis).

La Agjenzie e premiarà une classe par ogni categorie dal premi
cuntun bon di 250 euros par comprâ materiâl didatic.
I elaborâts a àn di rivâ dentri dai 20 di Fevrâr dal 2023.

Pal regolament complet