Lis celebrazions uficiâls de Fieste de Patrie dal Friûl 2025
a saran domenie ai 6 di Avrîl, tal Comun di Sacîl.
La iniziative e je inmaneade dal Comun di Sacîl, de Regjon Autonome F-VJ
e de ARLeF, in colaborazion cul Istitût Ladin Furlan “Pre Checo Placerean”.
Il program de zornade al è une vore siôr:
si tache aes 09.45 cu la esposizion de bandiere dal Friûl.
La buinore e va indenant cu la Messe cun leturis e preieris
par furlan, sloven, todesc e venit e po cu la cerimonie civîl, tal Teatri Ruffo.
Celebrâ il Friûl a Sacîl al à un valôr simbolic stant che tal 1366,
il patriarcje Marquart di Randeck al veve promulgât propit in cheste citât
lis Constitutiones Patriae Fori Iulii, il codiç dal dirit furlan.
Cun di plui, par celebrâ la Fieste de Patrie,
a son in program ancje une schirie di events colaterâi,
sedi a Sacîl che in dut il teritori dal Friûl,
cun cirche 200 events, in passe 100 Comuns.
Cjale dut il calendari des manifestazions.
La edizion n. 48 de Fieste si insiore ancje cuntune altre iniziative speciâl,
promovude de Regjon F-VJ e de ARLeF: "Une acuile in Comun".
Un progjet che al à vût la adesion di 130 Comuns dal Friûl,
che ur vignarà regalade une opare artistiche de acuile dal Friûl,
firmade di Stefano Borella,
che e rapresente il leam dal popul furlan cu lis sôs lidrîs e cu la sô storie.
Il prin Comun che al screarà la opare al sarà Cividât, propit ai 3 di Avrîl,
inovâl de costituzion dal Stât Patriarcjâl Furlan.
Par cognossi dut il program de
Fieste de Patrie dal Friûl 2025
|
|
