Copy
PRESEADIS E PRESEÂTS AL È CUN PLASÊ CHE
US SEGNALÌN LIS INIZIATIVIS
"LE TUE PAROLE.
PIERLUIGI, SCLUSE E IL CÎL"

In anteprime assolude la gnove coproduzion
ARLeF e Mittelfest dedicade a Cappello

La gnove coproduzion de ARLeF e di Mittelfest2024,
realizade in colaborazion cul Teatri Stabil Furlan,
e larà in sene in prime assolude
domenie ai 21 di Lui aes 21.30, in place dal Domo, a Cividât.

Un spetacul in onôr dal poete furlan Pierluigi Cappello,
interpretât dal so amì, l'atôr Giuseppe Battiston.

Adun cu lis musichis di Piero Sidoti,
il tribût aes oparis e ae vite di Cappello
al tirarà fûr dute la potence de sô peraule,
tra la lenghe furlane e chê taliane.

Tal câs di brut timp,
il spetacul si fasarà te glesie di S. Francesc.

Par informazions sul biliet, contatâ la bilietarie di Mittelfest:
0432 734316 o biglietteriamittelfest@gmail.com

Par savênt di plui

Cliche achì
"CORTO A MURIS"
cul premi speciâl de ARLeF pal miôr curtmetraç
in lenghe furlane

Al torne Corto a Muris,
il Festival dedicât ai curtmetraçs amatoriâi e locâi,
organizât de Pro Loco di Muris.

Ancje chest an, l'event al previôt la colaborazion de ARLeF
cuntun premi speciâl pal miôr curtmetraç in lenghe furlane.
A partecipin ae iniziative ancje i fantats
dal canâl youtube par furlan "Youpaltubo".

Il teme dal curtmetraç par furlan al è:
"La lenghe furlane tant che fatôr di inovazion",
dulà che il furlan al varà di sei valorizât intun contest atuâl e inovatîf.

Presentazion des oparis dentri dai 19 di Avost dal 2024,
ma prime bisugne iscrivisi al Festival dentri dai 31 di Lui.

Par informazions: prolocomuris@gmail.com

Par savênt di plui

Cliche achì
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi cliche achì. 
Par plui informazions lait a viodi la informative su la Tutele de privacy.