|
PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
"GASTON DORREN, AUTÔR DI BESTSELLERS INTERNAZIONÂI, OSPIT A VICINO/LONTANO"
al fevelarà di contaminazions linguistichis e di multilinguisim insiemi cun Giorgio Cadorini e Fabiana Fusco, te suaze dal incuntri promovût de ARLeF
|
|
“MESSEDANCIS LINGUISTICHIS. Contaminazions, ereditâts e prestits jenfri lis lenghis in Europe, in Italie e in Friûl” al è il titul dal incuintri che si davuelzarà vinars ai 17 di Mai dal 2019 , aes 18.00, tal Salon dal Popul di Palaç d'Aronco a Udin (in vie Lionello).
Ospit di ecezion al è Gaston Dorren, linguist olandês e autôr
di bestsellers internazionâi su lis lenghis dal mont.
I siei libris plui cognossûts a son Lingo (2015), dedicât a 60 lenghis europeanis e voltât in 8 lenghis, e Babel (2018) che al esplore lis 20 lenghis plui difondudis intal mont, voltât in 12 lenghis.
Lis edizions talianis a jessaran in curt cun Garzanti.
Cun Dorren, a dialogaran Giorgio Cadorini, linguist furlan che, dal 1991, al vîf inte Republiche Ceche e Fabiana Fusco, ordenarie di Linguistiche ae Universitât dal Friûl e diretore vicjarie dal Centri Internazionâl sul Plurilinguisim dal Ateneu.
A saran moderâts dal gjornalist Walter Tomada.
Par ducj i detais
|
|
"La ARLeF AE FIESTE DA VIARTE"
Domenie ai 19 di Mai dal 2019 a Cormons
|
|
La ARLeF e sarà presinte ancje chest an ae Fieste da Viarte
di Cormons, in graciis de colaborazion
cu la associazion "Amîs de Mont Quarine", pe promozion dal ûs
de lenghe furlane te fieste.
La Agjenzie us spiete domenie ai 19 di Mai dal 2019 in vie Dante
cuntune postazion siore di gadgets e di materiâi informatîfs
su la lenghe furlane.
Cun di plui, leturis, animazions e zûcs par furlan
cui laboratoris dedicâts ai fruts: des 10.00 aes 11.00 "Anìn cun nô: lis storiis ti spietin", e des 14.00 aes 16.00 "Maman! La cjasute dai fruts curiôs" cun Daria Miani.
Des 14.00, in colaborazion cun ARLeF e Radio Onde Furlane, "Performance Furlane Live", conciert in lenghe furlane
cun Silvia Michelotti, Franco Giordani, Alvise Nodale, Aldo Rossi.
Tal câs di brut timp, la Fieste e je rimandade ai 2 di Jugn.
Par ducj i detais
|
|
|
|
|
