Copy

PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
LA FIESTE DE PATRIE DAL FRIÛL 2023
a Caprive, ai 16 di Avrîl

Ancje chest an, si metìn adun par celebrâ
la Fieste de Patrie dal Friûl.

Lis celebrazions uficiâls si fasin domenie ai 16 di Avrîl
a Caprive, tal Friûl orientâl, cuntun program siôr
che nus permet di rindi onôr ai nestris valôrs
linguistics, culturâi e identitaris.

Si tache aes 09.30, cu la esposizion de bandiere dal Friûl.
Aes 10.00 e je la Messe par furlan cun leturis e preieris
ancje par sloven e todesc, e des 11.30 indenant
si fâs la celebrazion civîl,
dulà che la nestre bandiere e je protagoniste,
cuntune riproduzion fedêl di chê origjinâl dal secul XIV.

Par cui che nol pues jessi presint,
a tacâ des 10.00 su Telefriuli (canâl 11 DDT)
e va in onde la direte des celebrazions.

Par viodi il program tal detai

Cliche achì
"MAÇALIZI" IN TOUR
tai teatris furlans
Dopo de presentazion a Mittelfest,
il spetacul Maçalizi, produsût dal CSS,
in colaborazion cu la ARLeF,
al rive tai teatris dal Friûl.

Dôs fameis borghesis sieradis intun tinel di veri
par fâ sintî il spetatôr intun teatri anatomic.
Un confront che nol à pôre dal "diu dal massacri"
e che al fasarà saltâ fûr
dute la fuarce de lenghe furlane.

Chestis lis datis dal tour:
Udin, Teatri San Giorgio: ai 14.04, aes 21.00
e ai 15 e 16.04, aes 19.00 e aes 21.00;
Çarvignan, Teatri Pasolini: ai 20.04, aes 19.00 e ai 21.04 aes 21.00;
Cormons, Teatri comunâl: ai 5 e 6.05, aes 21 e ai 7.05, aes 17.00.

"Maçalizi" al è la traduzion in lenghe furlane
par cure di William Cisilino e Michele Calligaris
dal spetacul di Yasmina Reza "Le dieu du carnage".

Regjie di Fabrizio Arcuri e Rita Maffei
Interpretazion di Fabiano Fantini, Rita Maffei,
Massimo Somaglino e Aida Talliente.

Par informazions e biliets:
Cliche achì
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi cliche achì. 
Par plui informazions lait a viodi la informative su la Tutele de privacy.