Copy


PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

"Furlan a scuele: sielzilu pai tiei fîs"

Al è timp fin ai 25 di Zenâr dal 2021.
Lu sielç za il 76% des fameis.

La sielte pal insegnament de lenghe furlane 
par l’an scolastic 2021/2022 si fâs tal moment de iscrizion al prin an
de scuele de infanzie, de primarie e de secondarie di prin grât
(in linie, sul portâl dal MIUR o ben li de segretarie de scuele)
e e reste valide par dut il cicli scolastic.

Fâ cressi i fruts plurilengâi
al è un tra i regâi plui preziôs che si puedi fâur.
In Friûl, ancje a scuele, ducj i fruts
a àn la pussibilitât di fâlu in mût naturâl.

I vantaçs cognitîfs, sociâi e culturâi
di une educazion plurilengâl a son cetancj:
par esempli, imparâ il furlan a scuele
al à efiets positîfs sul aprendiment di altris lenghis!

Nol è un câs, se ancje l’an scolastic passât,
inte scuele de infanzie e inte primarie,
passe il 76% dai gjenitôrs al à dit di sì al furlan a scuele.

Par aprofondiments

Cliche achì
"L'Istitût comprensîf di Cividât
al cîr docents di furlan"

pes classis des scuelis primariis

L’Istitût comprensîf di Cividât al cîr docents cun competencis
ricognossudis pal insegnament de lenghe furlane

vie pal an scolastic 2020/2021, tes classis
des Scuelis primariis dal Istitût.

Par dutis lis informazions tal detai (oris, classis e oraris)
si pues scrivi a: udic851001@istruzione.it
ae atenzion de referente pal furlan dal Istitût, Mariateresa Pinto.

 
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi cliche achì. 
Par plui informazions lait a viodi la informative su la Tutele de privacy.