PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
UN LIBRI DI... FIGOTÂ, STRENZI,
CJAPÂ TAL BRAÇ
|
|
La ARLeF e presente “Il libri gjat”,
la traduzion par furlan par cure di Alessio Potocco
di “Il libro gatto” di Silvia Borando (ed. minibombo).
Un librut pai fruts dai 3 agns insù
che o presentarìn ai 20 di Mai aes 16.30,
te Biblioteche Civiche “V. Joppi” di Udin,
te suaze de Setemane de Culture Furlane 2023
de Societât Filologjiche Furlane e dai events di
“Aspettando la notte dei lettori” dal Comun di Udin.
Dilunc vie dal incuintri, la mestre Maura Storelli
e proponarà une leture animade e un laboratori pai fruts.
Par ogni frut e sarà une copie dal libri e… une buine mirinde!
Par partecipâ ae iniziative al è ben notâsi
dentri di miercus ai 17 di Mai a chescj contats:
0432 1743400 o info@sportelfurlan.eu
Par savênt di plui
|
|
I VINCIDÔRS DAL PREMI SPECIÂL DE ARLeF
"Se jo o fos un sienziât tal gno laboratori
o inventarès..."
|
|
Ancje te edizion numar IX dal concors pes scuelis
promovût dal Città Fiera "Premia la tua classe",
il premi speciâl de ARLeF in lenghe furlane
al à vût une partecipazion une vore positive,
dimostrant la impuartance di une didatiche orientade
simpri di plui bande il plurilinguisim e la multiculturalitât.
Il teme di chest an
“Se jo o fos un sienziât tal gno laboratori o inventarès…”
al à stiçât la fantasie e la creativitât di plui di 25 classis
des scuelis de infanzie e primariis dal teritori furlanofon,
che a àn presentât plui di 130 elaborâts.
Dutis oparis realizadis cun origjinalitât
e che a àn dimostrât une sensibilitât fuarte
dai fruts tai confronts di tematichis impuartantis
tant che la sostignibilitât e il rispiet pal ambient.
Par cognossi ducj i vincidôrs
|
|
|
|
|