Iscrizions viertis fin ai 28 di Fevrâr dal 2020 par partecipâ al cors
Tecniche di promozione linguistica e culturale friulana
dal IRES FVG Impresa Sociale, di 240 oris,
che al tache tal mês di Març te sede di Udin.

Si trate di un percors che al vûl formâ
une gnove figure professionâl e che al ufrìs
la pussibilitât di cjatâ une ocupazion concrete
intal setôr de promozion de lenghe e de culture furlanis.

Il progjet al nas dal confront cu la ARLeF,
ideadore e partner dal progjet, su la dibisugne di formâ
une figure professionâl che e sepi doprâ
i struments linguistics, di marketing e di comunicazion
par valorizâ il patrimoni linguistic furlan.

Il cors - gratuit e cofinanziât dal Fonts sociâl european
 in atuazion dal POR FSE 2014/2020 - si insuaze
intal Program Specific 64/2018 che al ufrìs une oportunitât
di inzornament e di specializazion par chei che a àn
un titul di studi di caratar culturâl o artistic.

Ae fin dal cors al è previodût un tirocini fin a 6 mês
inte sede di un dai partners di riferiment.

Par plui informazions

"Predis, la nazione negata",
al è il secont film de trilogjie ideade di Massimo Garlatti-Costa
che e conte la storie dal Friûl e dai furlans che a àn lotât
pai propris dirits di identitât.

Il film al conte la storie di
pre Bepo Marchet, pre Checo Placerean e pre Toni Beline,
che a àn dedicât la lôr vite al Friûl, cirint di sveâ la cussience
dal popul furlan par che al recuperàs la sô storie, la sô lenghe e la sô identitât.

In chest mês di Fevrâr, il film al ven proietât
in diviersis salis dal Friûl  in colaborazion
cun VISIONI D’INSIEME CIRCUITO CINEMA
Corto Circuito FVG2019/2020.

Par discuvierzi dute la programazion