La 45e edizion de Fieste de Patrie dal Friûl
si celebrarà, di gnûf in presince, propit ai 3 di Avrîl a Vît,
comun dal Friûl Ocidentâl pront a cjapâ sù il testemoni di Udin,
che al à ospitât la manifestazion l'an passât.

Organizade dal Comun di Vît
cu la poie de Regjon Friûl-Vignesie Julie e de ARLeF,
in colaborazion cul Istitût Ladin Furlan “Pre Checo Placerean”,
la manifestazion di chest an e à un program cetant siôr di events.

La edizion 2022 e sarà une vore particolâr:
lis celebrazions no si fasaran intune stesse localitât, ma in plui lûcs.
La manifestazion e scomençarà in vie Jacopo Ortis a Vît aes 9 di buinore
cu la esposizion de bandiere;
po dopo la celebrazion de Sante Messe in marilenghe,
te glesie parochiâl di Sant Michêl Arcagnul, simpri a Vît.
A misdì e sarà la volte di spostâsi a Cjasiât
indulà che si tignarà la cerimonie civîl, cui salûts des autoritâts,
che si vierzarà cu la leture de Bole dal Imperadôr Indrì IV.

Tal dopodimisdì a son in program escursions tal teritori dal comun.


Par lei il program complet

Sul canâl di YoupalTubo,
un gnûf video dedicât ae storie de Patrie dal Friûl e de nestre bandiere,
par celebrâ l'impuartance dal inovâl dai 3 di Avrîl!

Federico us contarà di vescui, imperadôrs, papis e patriarcjis,
di un teritori grant che al va di là dai confins che o sin usâts a pensâ
e di lotis par afermâ il podê, ma ancje di lealtât.
Fin ae costituzion di un Stât vêr, il Stât patriarcjâl furlan,
cuntun so parlament, cu lis sôs leçs e cuntune sô, inconfondibile, bandiere.


Par viodi il video

In ocasion de 45e edizion de Fieste de Patrie dal Friûl,
l'Istitût Ladin Furlan “Pre Checo Placerean”, in colaborazion cu la ARLeF,
al à realizât un gnûf video dal'imni uficiâl dal Friûl,
cuntune version di Incuintri al doman,
reinterpretade dal grup musicâl Moments.

Protagoniscj trê fruts che a discuvierzin un grant tesaur:
lis lôr lidrîs e la storie dal lôr popul.
La lôr curiositât ju sburtarà "incuintri al doman", acompagnâts de biele melodie scrite di Valter Sivilotti (su peraulis di Renato Stroili).

Buine Fieste de Patrie dal Friûl 2022
cul auguri par ducj i furlans di lâ incuintri al doman.


Par viodi il video