Riproduzion tatil de Bandiere dal Friûl - ARLeF

Riproduzion tatil de Bandiere dal Friûl

Il Museu dal Domo di Udin al da acet al esemplâr plui innomenât e antîc de Bandiere dal Friûl, il setim drap plui antîc de Europe (secul XIV) che al è ore presint il simbul dal Friûl plui cognossût.

In ocasion de Fieste de Patrie dal Friûl 2021, il Comun di Udin e la ARLeF a àn donât al Museu une riproduzion tatil dal vessil pes personis vuarbis e ipovedentis, furnide di un test cu la descrizion in Braille.

Il panel tatil – produsût di 3D-Archeolab, aziende specializade inte realizazion di percors museâi par chest setôr – al è stât screât domenie ai 12 di Setembar dal 2021, in ocasion des celebrazions e de visite des autoritâts che, compagnadis dal sindic Fontanini, a àn rindût onôr ae antighe Bandiere dal Friûl.

Si trate di une iniziative di valôr culturâl fuart, parcè che chel de acessibilitât al è un dirit che al tocje no dome i spazis publics e i servizis al citadin, ma ancje la nestre storie e i simbui dal nestri vivi insiemi
Rindi acessibil chest antîc standart a personis cun disabilitâts visivis al è une azion inclusive che ur ufrìs une esperience di visite plui profonde, al è un contribût piçul ma impuartant par tirâ jù lis barieris percetivis sensoriâls, che ancjemò vuê a son un limit di no trascurâ. Cun di plui, acedi al patrimoni culturâl, che in chest câs al è ancje identitari, al è un dirit di ducj.

Fotos di Luca Laureati

Date de Iniziative: Setembar 2021

Imagjins


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304