INCUINTRI AL DOMAN – l’Imni uficiâl dal Friûl

Intal 2016, il Istitût Ladin Furlan “Pre Checo Placeran” e il Messaggero Veneto – Giornale del Friuli, in colaborazion cu la ARLeF, a àn inmaneât un concors di composizion musicâl pe individuazion dal Imni uficiâl de Patrie dal Friûl.

L’Imni al veve di riclamâ i caratars principâi e particolârs dal Friûl, in riferiment ae storie, aes tradizions, ae identitât sociâl e linguistiche di dute la comunitât.

Dopo valutazion atente de bande di une jurie di esperts – cun president il compositôr di nivel internazionâl Azio Corghi e componude dal Marco Maria Tosolini, il prof. Alessio Screm, la professore Chiara Vidoni e il dott. William Cisilino – “Incuintri al a doman” al è stât sielt tant che imni uficiâl dal Friûl. Une composizion, su test di Renato Stroili Gurisatti e musiche dal mestri Valter Sivilotti là che, daûr de motivazion de jurie, “la musiche e il test si integrin a vicende, traviers une scriture vocâl e strumentâl di grant respîr e di slanç di cjant potent”.
L’anunzi dal vincidôr al è stât dât in ocasion de edizion 2018 de Fieste di Patrie dal Frîul, che si è davuelte ai 8 di Avrîl a Voleson Darzin.

Lis peraulis dal imni

La prime esecuzion dal imni si è tignude intal Domo di Lignan, ai 6 di Otubar dal 2018.
“Incuintri al doman” al è stât eseguît de Mitteleuropa Orchestra, direzude dal mestri Marco Guidarini. La esecuzion vocâl e je stade assegnade al Coro del Friuli Venezia Giulia, direzût dal mestri Cristiano dell’Oste.
Prime dal Imni e je stade eseguide la Novesime sinfonie di Beethoven, che e conten l’“Imni ae gjonde”, o ben l’Imni de Europe Unide.

Date de Iniziative: Otubar 2018

Consulte i materiâi

Ogjet Cjale
Documentazion Bant
Anteprime musciâl dal M. V. Sivilotti
Audio in alte definizion
Video de prime esecuzion
Spartîts in 12 declinazions

Imagjins


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304