Lis celebrazions de Fieste de Patrie dal Friûl no si limitin ae zornade uficiâl dai 3 di Avrîl, ma a son acompagnadis di un calendari siôr di events culturâi che si davuelzin a tacâ dal mês di Avrîl fin al mês di Setembar dal 2022.
Midiant dai contribûts dâts fûr de Regjon Autonome Friûl-Vignesie Julie e de ARLeF ai Ents locâi dal teritori di lenghe furlane (sedi dal Friûl che dal Venit), a son in program events di cualitât che a àn l’obietîf di fâ cognossi la lenghe, la storie e la culture furlanis, ancje in modalitât online, cjapant dentri in particolâr lis gjenerazions plui zovinis; la stampe e presentazion di publicazions o ancje la realizazion di lastris, targhis o insegnis turistichis che a ricuardin personalitâts impuartantis pe conservazion e pal disvilup de identitât furlane.
Chi sot, al è pussibil discjamâ il calendari di dutis lis iniziativis in program (inzornât in maniere periodiche, man man che a vegnin definîts i gnûfs detais dai varis apontaments).
Date de Iniziative: Avrîl 2022Consulte i materiâi
| Ogjet | Cjale |
| Calendari des iniziativis colaterâls - Fieste de Patrie dal Friûl 2022 |
|
